ZPM member, Pu Vanlalhlana zawhna leh zawhbelhna dangte chhanga he thu hi sawiin, Pu Lalchhandama Ralte chuan, Department zingah Budget Session neih meka Department hrang hrang Demand a\anga a lan danin Mizoramah Department 49 awm mah se, Department \henkhat chu inrelbawlna hran neia kal hrang an awm nual avangin an Department-in Department a chhinchhiah chu 53 zet an ni tih a sawi a. Heng zinga Department 44-in Printing and Stationery a\angin Office mamawh an lam a, la lam ve chiah lo Department 13 awmin chungte chu – AH & Vety, Land Resorces Soil and Water Conservation, Art and Culture, I&PR, Tourism, Sericulture, GAD, ICT, Minor Irrigation, Soil, PAD, Vigilace leh SAD te an ni, a ti a. Department hrang hrangte chu Printing and Stationery Department a\anga an mamawh an lam vek tura ngen an ni a, Finance Secretary kaltlanga hriattirna leh ngenna pawh pek tawh niin, Department-te chuan an dawr \ha sawt hle a, tunah hian Printing and Stationery Department chuan hlawkna a tel ve \an mek a, tun aia hmasawn zel tur pawhin beiseina sang tak an nei tih a sawi.
Pu Lalchhandama Ralte hian tun dinhmunah Aizawl Depot-ah Rs. vbch. 3 vel hu bungraw chhekkhawl an nei tih a sawi a. Lungleiah Rs. nuai 80 leh Siaha-ah Rs. nuai 50 hu vel bungraw chhekkhawl a awm mek tih sawiin, heng bungraw chhekkhawlna hmunte hi duh thusama a \hat tawk loh avangin bungraw chhia a awm ve reng avangin a man zat hi chiang taka hriat theih a ni lo tih a sawi.
