Prime Minister, Pu Narendra Modi-a’n Prime Minister term 2-na a chelh hnua a zinchhuahna hmasa berah Easter Sunday-a Krisrtian-te beih an nihna hmun Sri Lanka-a St. Anthonys Church a tlawh leh he pawikhawihnaa thite a sun zia a lan tir chu BJP Mizoram Pradesh chuan lawmawm an tih thu sawiin, hei hian BJP kaihhruai Sorkar laipui rintlakzia a tilang chiang hle niin an sawi.

Thuchhuah an siamah BJP Mizoram Pradesh chuan, Sri Lanka-in rapthlak taka beih a tawh hnua ram dang hruaitu tlawh hmasa ber zingah Prime Minister, Pu Narendra Modi a tel chu huaisen an tih thu sawiin, lawmawm an ti hle tih an sawi a. Mizoramah BJP chu sakhua-na nen a sawi zawm tum tlat, zirtirna hrisel lo thehdarhtu tam tak an awm nia sawiin, hetiang hi ni mah se, kum 5 liam ta chhunga BJP-in thuneihna an chan chhung khan India ramah Kristian ten harsatna lian tham an tawh an hriat loh thu an sawi a, BJP \hat loh thu sawi chu awih ngawt lova, an thu sawi a dik em tih hriatchian hmasak tum \hin turin Mizo mipute an ngen a ni.