|hutkhawmna zawh hnu hian Delhi Chief Minister Arvind Kejriwal chuan prime minister mipui kharkhipna thupek dinglai pawtsei tura thutlukna a siam chu thutlukna dik a ni tih twitter ah a ziak a ni.
Coronavirus a \aidarh zel avangin State engemawzatin inkharkhip hun chhung Thawhlehnia tawp tawh tur chu pawhsei an duh a, Odisha leh Punjab chuan an pawtsei tih an puang tawh a ni.
Bihar sorkar chuan inkharkhip pawhsei chu pawi a tih loh thu sorkar laipui a hrilh a, amaherawhchu, thingtlang tana hmalakna leh tuilian tuarte chhawmdawl hna chu thawh chhunzawm a duh tih a hrilh bawk. Nikum khan Bihar hian tuilian nasa tak a tawrh vangin thingtlang lama tuilianin a tihchhiat siam \hat hna an thawk chho mek a ni.
Inkharkhip hi pawhsei a nih chuan tuna kalpui mek dan chu tam tak tihdanglam a nih rin a ni a, state leh state inkalpawhna te chu khauh taka khuahkhirh chhunzawm a nih a rinawm a, mipui mamawh leh \ul bik thilte dan pangngaiin a kal ang a, zirna in leh sakhaw hmunte chu khar chhunzawm a nih rin a ni.
Modi hian engtik lai pawhin amah chu biakpawh theih reng a nih thu Chief Minister te hi a hrilh a, hri leng dona kawngah \anrual \hat a pawimawh a ni ti.
Prime Minister in Chief Minister te a kawmnaah hian Mizoram Chief Minister Pu Zoramthanga pawh a tel a, Health Minister Dr. R. Lalthangliana, Home Minister Pu Lalchamliana, Chief Secretary, Home Secretary, Health Secretary leh Director General of Police ten an tawiawm a ni.
Video-conference-ah hian hripui leng avanga harsatna tawk nasa zual state hruaitute chu sawina hun pek an ni a. Mizoram chu case pakhat chauh a la neih avangin a sawi ve lo state zingah a tel tih Mizoram Sorkar thuchhuah in a sawi.
Video conference zawh hian Chief Minister Pu Zoramthanga hian phalna nei lova ramri kan chungchangah khauh taka ramri ven hna thawk turin Home Department hotute a hrilh a ni.
