Modi hian tun thla ni 20-ah inkharkhip kalpui dan chu ennawn a ni ang tih a sawi a, India-in Covid-19 a do kawngah rawtna hrang hrangte lakkhawm a ni a, tun thla ni 20 thleng district leh state tin ten inkharkhip an kalpui dan leh an dinhmun \heuhte ngun takin thlithlai a ni ang a, thil awmdan a zirin inkhuahkhirhna thlahdul theihna hmun tur te ngaihtuah a ni ang tih a sawi.
Modi hian ram venhim na, khua leh tuiten ni engemawzat an dawh tawh a, ei leh bar ah leh hnathawhna kawngah harsatna chi hrang hrang an tawk tih a sawi a, chuti chung chung chuan hri leng dona kawngah theihtawp mipuiten an chhuah tlang chu ropui a tih thu a sawi a, coronavirus lêngin harsatna lian tham a thlen hma hauhin India chuan \umhmun leh hmun dangah te Covid-19 screening a ti \an tawh a, hri lêng do tura hma taka India a chet avangin ram lian leh changkang zawkte ai pawhin hri leng do kawngah India chu a che \ha zawk a ni a ti.
Prime Minister hian nitina inhlawhfa leh loneitute tan inkharkhip chu thlah dul hret a ni ang tih a sawi a, inkaihhruaina kimchang chu naktuk, Nilaini ah sorkar laipuiin a tichhuak ang a, mi rethei leh chanhaite ngaih pawimawh an ni ang tih a sawi.
