Inkawm honaah hian Home Minister, Amit Shah, Commerce Minister Piyush Goyal, Aviation Minister, Hardeep Singh Puri leh Cabinet Secretary Rajiv Gauba te pawh an tel a, an sawiho zingah thlawhna leh rel service chungchang pawh a tel a ni.
Home Ministry hmalak dan atanga a lan danin, District tam takah Thawh\anni a\ang chuan inkharkhip hi hlih a nih rin a ni a a, coronavirus kai awm tamna hmun, red zone-ah erawh inkharkhip chhunawm zel a nih hmel a ni.
Ram chhunga coronavirus inkaidarhna tamna hmun red zone-ah te chuan ni 15 chhungin hri inkaidarh zaa 23-in a tlahniam tih sorkar laipui chuan a tarlang a, thla hlui, April ni 15 khan hri leng kai mi 170 an ni a, April ni 30 ah chuan 130-ah a tla hniam a. Delhi tiamin khawpui lian zual 7 te chu red zone ah hian an awm a, Mumbai leh Delhi ah ringawt pawh hri leng kai sing 1 chuang an awm a ni.
Covid-19 kai awm lohna green zone-a puan district 356 chu 319-ah a tlahniam a, hei hian coronavirus kai awm lohna hmun \henkhatah a \aidarh zel tih a lantir a, hetihlai hian hri kai awm tam lutuk lohna hmun orange zone 207 ni \hin chu 284-ah a pung chho thung a ni.
Hetihrual hian sorkar chuan ni 21 chhung hri kai thar awm lohna te chu green zone-a puan a remti thar a, a hmalam kha chuan ni 28 chhunga kai thar an awm loh chauhin Green Zone ah hian puan theih a ni.
Mipui kharkhipna thupek hlih emaw, kalpui zel dan tur emaw-a thutlukna chu Prime Minister siam tur a ni dawn a, Defence Minister Rajnath Singh-a kaihhruai minister rual te chuan May ni 15 thlenga mipui kharkhipna thupek hi pawhsei an lo rawt tawh a ni.
