Prime Minister Narendra Modi-a’n Pulwama-a CRPF sipai 40 te nunna latu, mifirfiakte chuan an thil tih phu tawk hremna an hmu let ngei dawn a ni a ti a, Security force te chu mifirfiakte beihlet kawngah hian zalenna famkim pek nghal an ni tih sawiin, India ram mipuite chuan an hmalak dan an ring tawk a ni a ti.

Prime Minsiter chuan mifirfiakte chuan thil a ti sual nasa hle tih sawiin, na taka beihlet an ni ngei dawn tih a hrilh a ni. Prime Minister chuan mifirfiakte chet danin mipuite thin a ti rim hle tih a hriatthiampui thu a sawi a, ram \henawmte chuan India himna ti derthawng theia an inngai anih chuan an tisual hle tihna a ni a, India chuan na takin a beilet dawn a ni a ti. Prime Minister chuan Party hrang hrang te pawh mifirfiakte beihna chu politics thila remchanna lak tumna atana hmang lo turin a chah a, India ram chuan a hmelma te hneh turin lungrual taka a beihlet a ngai a ni a ti.