Janata Curfew hun chhung hi Pathianni zing dar 7 a\anga zan dar 9 thleng awh tur a ni.
Ram chhungah Covid-19 vei an pun zel avangin he hri laka mipui an him theih nan leh inkaichhawn zel tur dan nan mipui curfew hi puan a ni a, he curfew hian bawnghnute sem te, damdawi in lama thawk te, damdawi zuarte, eitur zuar te, media te leh kang\helhtute pawlte a huam ve dawn lo a ni.
Prime Minister chuan India chu ei leh barah a intodelh a, mipuite mamawh phuhru zo tur damdawi a ngah tawk bawk a ni a ti a, khualehtuite chu chiai lo turin a ngen a ni.
Modi chuan ni khat lek pawn chhuak lo va inkhung avangin Covid-19 darh vak tur chu a ziaawm thei a ni a ti a, a \ul chuan ni khat chauh lo pawh inkhung hrang turin mipuite a chah a, Coronavirus hian indopui hunlai aiin nghawng a nei thui zawk tih sawiin, a tihdamna a awm loh vangin mipui punkhawm leh puipunna te pehhel hram hram a, in lama inkhung chu a inven dan \ha ber a ni a ti bawk.
Tun dinhmunah ram chhunga coronavirus kai tawh zat chu mi 195 an tling tawh a, mi 20 dam tawhin mi 4 an thi tawh a ni.
