Prime Minister, Narendra Modi-a’n Indore BJP hruaitu, Kailash Vijayvargiya fapa, Akash Vijayvargiya-an mawi lo taka Municipal hruaitute kut a thlak chu a dem tih sawiin, tu fapa pawh nise hetianga pawisawi lo kutthlak hreh lotu chu ngaihhnathiamna awm lovin an party a\anga hnawhchhuah tur a ni a ti.

BJP hruaitu, Rajiv Pratap Rudy chuan Prime Minister chu he thilah hian a thin a rim hle tih sawiin, Modi hian mi tumahin political party chu chapo nan te, intihvei nan te leh mi chung tlak nantea an hman a remti lo tih a sawi.

Prime Minister hian Akash Vijayvargiya bail-a a chhuah ni-a lo dawngsawnga lo lawmtute pawh an party a\angin an hnawtchhuak dawn tih a sawi.

Akash leh a pawlte hian Nilaini khan Police leh TV thlalatute awm laiin Indore-a Municipal hotu pakhat kut an thlak a, hetianga an chet dan video hi nasa taka darhin, an chet dan hian dem a hlawh hle a ni.