Greater Noida-a sik leh sa inthlak danglam dan sawihona UN-in a buatsaihah Prime Minister hian thusawiin, mihringte thilsiamin sik leh sa nasa takin a nghawng danglam tih a sawi a, khawvel ram hrang hrang hruaitute chu sik leh sa \ha inthlak danglam vem kawnga thawhhopuiah a sawm a ni.
Modi chuan India ram chhung state tinah plastic chi 6 hman khapna October ni 2 a\angin hman \an a ni dawn tih a sawi a, plastic hman khap tur te chu plastic bag, no, thleng, bottle, straw leh sachets te a ni a ti a, khapna chu huamzau taka kalpui a ni ang a, plastic siamna te, hmanna te leh thawn chhuahna thlengin enfiah a ni dawn tih a sawi.
Sorkar laipui chuan plastic hman khapna bawhchhetute chu hremna pek an ni dawn tih a sawi. Sorkar chuan e-commerce company zawng zawngte chu plastic hmanga an thil zawrhte fun lo turin a hriattir a ni.
