Larsap chuan he ni lo thlengah hian Mizorama naupang zawng zawngte chu duhsakna hlanin chibai a buk a, naupanlai chuan suangtuahna hrang hrang leh puitlin huna nihtum hrang hrangten rilru a luah khat \hin tih sawiin, mi hlawhtling ni tur chuan ngaihtuah tam a ngai a, naupan lai a\angin suangtuahna ropui tak tak leh tum sang tak tak neih a pawimawh hle a ni a ti. Larsap chuan Zirlai hun chu hman thiam a ngaih thu sawiin, hei hi \an lak hun a nih avangin rim taka hnathawk \hinte chu mi puitling, mi hlawhtling tak takte an ni \hin tih hre reng turin naupangte a chah a ni.
Children’s Day 2018 puala naupangte leh Larsap inkawmna-ah hian Aizawl khawpui chhunga sorkar Middle Sikul 10 a\angin zirlai 10 \heuhten Larsap hnenah hian zawhna pakhat \heuh an zawt a, an zawhna te hi Larsap hian amalte te-in a chhan sak a ni. He inkhawm hi Governor Secretary, Pu K. Lalthawmmawia’n a kaihruai a ni.
Vawiin vek khan Social Welfare Department leh Eternity Partners LLP \angkawpte chuan City Park-ah Children’s Day an hmang a, hei hi Social Welfare Deparmtent Director, Pi Laldikkimi’n a hawng a, hemi hnu hian naupangte tan intihhlimna hman zui a ni. Hetah hian Childrens Home hrang hrang leh School naupang \hahnem tak an tel a, naupangte tan hian inelna chi hrang hrang buatsaih sak an ni bawk.
