Puan tawh angin Vajpayee hi June thla khan damdawi in-ah dah luh a ni a, hun eng emaw chen enkawl a nih hnuah, thawhlehni chhun lai vel a\ang khan a dinhmun a \ha lo viau a, damdawiin thuneitute enkawlna hnuaiah khawl hmanga thawk tir chhunzawm zel a ni a, a thih hma hian vice president leh Prime Minister te tiamin mi pawimawh \hahnem takin an kan a ni.
Vajpayee hi kum 1924 khan Gwalior-ah a piang a, Indian National Congress mi ni lo zinga PM hna term tluana chelh thei hmasa ber a ni a, kum 1942 khan khatih hunlaia British rorelna dodal kawngah pawh hnam pa, Mahatma Gandhi te nen an thawk ho hman a, thusawi a thiam avangin RSS hma tawngah dah a ni zui a, tuna BJP ni ta, Jana Sangh hruaitu langsar ber te zing ami a ni zui ta a ni. Vajpayee hi kum 1975-a Indira Gandhi kaihhruai sorkarin Emergency a puan khan man zingah a tel ve a, kum 1977 khan Moraji Desai-a kaihhruai sorkar-ah External Affairs Minister a ni leh a, kum 1957 a\ang khan MP-ah thlan tlin a ni a, Lok Sabha-ah \um 10 thlan tlin a ni a, Rajya Sabha-ah \um 2 thlan tlin a ni bawk a, PM-a thlan tlin a nih hmasak, kum 1996 kha chuan ni 16 chauh PM ani hman a, kum 1998 March ni 19 khan PM atan thlan tlin leh a ni.
