President, Ram Nath Kovind-a’n India hmarchhak state 4-ah rel luh tir tum a nih thu a sawi. President hian joint parliament sitting budget session-ah he thu hi sawiin, Indian Railway chu hmarchhak state te tihhmasawn nan Make In India scheme hnuaiah rel set 18 duang tura ngen an ni a ti.

President chuan Make In India scheme hnuaiah hmarchhak state 4, Sikkim, Manipur, Mizoram leh Nagaland te chu kum 2022-ah chuan relin a pawh vek tawh dawn tih sawiin, sorkar chuan ngawrh takin hna a thawk a, inkalpawhna \ha leh awlsam zawk te, infrastructure tihhmasawn leh rel kawng siam te chu hmarchhak state te hmasawnna tur a ni a ti a, tun dinhmunah Agartala a\anga Akola pawhtu tur rel kawng sial mek a ni a ti bawk.

President chuan Indian Railway Management Service kaltlanga rel kawng thuam \hat cabinet-in a pawm chungchang pawh sawiin, BJP sorkar hnuaiah Indian Railways chuan rel kawng tam tak a thuam \ha tawh a, hei hian hleih nei lo sorkar a nihzia a tilang a ni a ti a, inpumkhatna leh thawhhona \ha tak awm zel se a duh tih a sawi bawk.