An pawl bengvar inkhawmah Pu Vanlalruata chuan, Tripura-a cheng Tuikuk ten Mizorama vote an nei chu inthlan dawn hnaihah chauh buaipui a nih \hin avangin awmzia a awm thei lo tih leh hetianga Tripura-a cheng ten Mizorama vote an thlak \hinna chhan hi Election Commission of India-in dik lo taka thil a tih vang a ni tih mipuiten an hre tawh a. Hemi titawp tur hian inthlan boruak awm loh laiin an Party chuan hma an la dawn a ni, a ti. Pu Vanlalruata chuan, Bangladesh a\angin Mizoramah dik lo takin mi tam tak an lo pem lut \hin tih sawiin, hei vang hian Citizenship Amendment Bill pawh na takin an dodal phah a ni, a ti a. Hemi dodal tur hian hma lak nghal a ngai a, Bangladesh a\anga dan lova lo pemlutte avangin Citizenship Amendment Bill hi Political Party hrang hrangin an duh loh zia inthlan boruakah an aupui nasa vek a. Hetiang a nih mek lai hian Sorkar laipuia thuneihna changtu BJP chuan an thiltum lian ber zingah Citizenship Amendment Bill kalpui a tel avangin se bo hnua se kawng khar ngai lo tur leh, Bill an pharh leh huna buai chung ngai lo tura hmalak theih a ni a. He Bill an sawi rik leh hma ngei hian Mizorama dan lova cheng Bangladesh a\anga lo lutte chu hnawh chhuah an ni tur a ni, a ti a. Hemi kawngah hian an Party chuan ke a pen \an nghal dawn tih sawiin, an hmalakna chu Mizo mipuite pawhin an thlawp ngei a beisei tih a sawi.
