Zan khat riaka Mizoram tlawha lo zin, President Ram Nath Kovind-a hian tukin khan Raj Bhavan kawt zawlah Mizo zirlai \henkhat a kawm a. Zirlaite chu an nu leh pate bakah khawtlang leh ram nghahfak an ni tih hre tura chahin, Mizoram chu lehkhathiam tamna state a nih angin kawng hrang hrangah hmasawnna a thlen zel a beisei thu leh, chumi atan chuan \hangtharten mawhphurhna pawimawh tak an nei tih hre reng turin a chah a ni. President chuan, Mizo khawtlang nun leh hmun hrang hrangah zirna kawnga hmeichhiate dinhmun a sang zel chu lawmawm a tih thu leh hmeichhiaten hma an sawn chuan ramin hma an sawn tihna a nih thu a sawi a. Zirlaite chu an hma lam hunah hlawhtling tura a duhsak rualin, zirlai hlawhtling ni tur chuan zirtirtute pawimawhna an hriat tel a ngai tih a sawi. Vawiina President kawmtu zirlaite hi Govt. Mizo High School, Govt. Mizo Higher Secondary School, Synod Higher Secondary School, Govt. Mamawii Higher Secondary School, PC Girls’ School, Govt. JL Higher Secondary School leh Mizoram Institute of Comprehensive Education (MICE) a\angin zirlai 100 vel leh School Education Department hnathawkte an ni a, President hian zirlaite zawhna hrang hrang a chhang a ni. President-in zirlaite a kawmnaah hian Larsap, Lt. Gen. Nirbhay Sharma leh School Education Minister, Pu H. Rohluna’n an \awiawm a ni.
