President hian vawiin chawhnu khan Aizawl chhuahsanin Nagaland lam a pan leh ta a, vawiin chawhnua Raj Bhavan a chhuahsanin Larsap, Lt. Gen. Nirbhay Sharma leh CM, Pu Lal Thanhawla’n |huampui Helipad thleng an thlah a, Larsap leh School Education Minister, Pu H. Rohluna’n Lengpui \umhmun thleng an thlah a ni. Puan tawh angin nimin tlai khan Raj Bhavan Durbar Hall-ah President hian khawpuia cheng, mi retheite chenna in tur – Lawipu, Durtlang, Edenthar leh Rangvamuala sak a hawng a, mi retheite chenna in tur sak sak hi New India Goals 2022 thil tum zinga pawimawh leh sorkar laipuiin tihpuitlin a tum a ni tih a sawi. Nimina President-in a hawn tak, mi retheite chenna in turte hi Lawipu-ah chhungkaw 408 awm theihna, Durtlangah chhungkaw 320, Edentharah chhungkaw 208 leh Rangvamualah chhungkaw 160 awm theihna a ni a, a vaiin chhungkaw 1,096 an awm thei dawn a, Urban Poverty Alleviation Deptt. a\anga sum hmuh Rs. 91,01,00,000/- hmanga sak a ni. He inkhawmah hian CM, Pu Lal Thanhawla pawhin thusawiin, District dang parukah mi retheite chenna in, chhungkaw 1,950 awm theihna tur sak a ni tih a sawi.
