President a lo zin dawn avangin Aizawl khawpui chhung leh a chhehvelah ven himna lam tih\hat chhoh mek a ni a, Aizawl Sadar Sub Divisional Magistrate, Pu Ngulsangvela chuan Cr. PC Section 144 tlawh chhanin Raj Bhavan chhehvel, Chief Minister Bangla leh |huampui Helipad bul vel leh a chung boruakah te Remote control hmang chi Drone, Aerial Camera leh hetiang lam chi reng reng thlawhtir a khap a, he khapna thupek, vawiin a\anga hman hi December ni 1 thleng hman a ni ang. President lo kal dawn avang hian Traffic SP, Pu C. Lalthanmawia pawhin tun thla ni 29, Nilaini leh a tuk, ni 30, Ningania Aizawl khawpuia lirthei tlan dan tur leh dah dan tur chungchangah thupek a chhuah a, President lo thlen ni, tun thla ni 29 zing dar 9 a\anga tlai dar 5 thleng |huampui Helipad peng leh Raj Bhavan inkar kawng, Chaltlang lamah kawngpui sirah lirthei eng chi mah dah phal a ni lova, a tuk, ni 30 zing dar 6 leh tlai dar 4 inkarah Raj Bhavan leh PC Girls School inkar, Upper Khatla kawng lamah te, Raj Bhavan leh |huampui Helipad inkar kawngah te lirthei dah khap a ni. Motor chhia, kawng sira dahte pawh hnuk sawn vek turin Traffic SP chuan a neitute a hriattir bawk a ni.
