President leh PM-in Rashtrapati Bhavan-ah Nepal PM lo dawngsawng

Ni nga chhung cham tura India rama lo zin, Nepal PM, Sher Bahadur Deuba-a chu vawiin khan Rashtrapati Bhavan-ah a lawmna inkhawm buatsaih a ni a, President Ram Nath Kovind-a leh PM, Narendra Modi-a’n an lo dawngsawng a ni. Nimin chawhnu lamah khan Pu Modi-a hian Nepal PM hi a kawm tawh a, External Affairs Minister, Sushma Swaraj-i pawhin Pu Deuba-a hi a kawm bawk a, vawiin chawhnu khan Pu Modi-a leh Pu Deuba-a te hian thil pawimawh hrang hrang sawi dunin, kawlphetha, sumdawnna, hnam zia leh lo neih lam thilah thawh dunna thu 8 an thlung nghal a ni. Pu Deuba-a hian New Delhi bakah Hyderabad, Tirupati leh Bodh Gaya pawh a tlawh dawn a, PM a nih hmasak, kum 1996, kum 2004 leh kum 2005 khan India ram hi a rawn tlawh tawh a, tun hi kumin June thlaa PM atana thlan leh a nih hnua a lo zin vawi khatna a ni.