President-in larsap paruk ruat thar

Bihar, Tamil Nadu, Assam, Meghalaya, Arunachal Pradesh leh Andaman and Nicobar Islands Larsap thar turte puan an ni a, President Ram Nath Kovind-a’n heng mite ruatna hi a chhuah a ni. President pisa thuchhuah sawi danin, Assam Larsap, Pu Banawarilal Purohit-a chu Tamil Nadu-ah sawn a ni a, Tamil Nadu hi Maharashtra Larsap, Pu C Vidyasagar Rao-a’n kum khat lai a hmui tawh a ni. Brigadier BD Mishra-a chu Arunachal Pradesh Larsap thar a ni dawn a, ani hi NSG (Black Cat Commando) Counter Hijack Task Force hotu hlui a ni a, kum 1993 April ni 23-a Indian Airlines khualzin phur thlawhna, mi firfiakten an hruai kawi, Amritsar \umhmuna chhanchhuaktu kha a ni a, khami \um khan khualzin leh thlawhnaa thawk, mi 124 chu an him vek a, thlawhna hruai kawitute erawh chu kah hlum vek an ni. Bihar Larsap atan Pu Satya Pal ruat a ni a, ani hi MP leh BJP national vice president hlui a ni a, President hi Bihar Governor hlui a ni a, ama hmun ruak luah tur hian Pu Satya Pal hi a ruat a ni. Hengte b^kah hian Assam Larsap atan Jagdish Mukhi ruat a ni a, Meghalaya Larsap atan Pu Ganga Prasad ruat an ni bawk. Andaman and Nicobar Islands Larsap thar atan Admiral Devendra Kumar Joshi ruat a ni a, ani hian he hna thawk mek, Assam-a sawn t^k, Jagdish Mukhi a thlak ang.