President-in Arunachal Pradesh fak

Hmarchhak biala state hrang hrang tlawha zin mek, President Ram Nath Kovind chuan Arunachal Pradesh chu sorkar laipui Act East Policy hnuaiah hmun pawimawh berte zinga mi a ni dawn tih nimin khan a sawi a, ramri depa awm a nih avangin nasa takin hma a sawn dawn nia a hriat thu a sawi bakah, state chhunga hmun kilkhawr zawkte kalpawhna tur lamlian \ha tak sial a nih avangin, state pum dinhmun pawh a \ha sawt hle niin a sawi a, hnam hrang hrang inngeih taka an chenho theihna state a nih avangin, state dangte tan pawh entawntlak tak an nih thu te a sawi bawk. Pu Kovind hian naktukah Imphal-a ni hnih awh tur, North East Development Summit a hawng dawn a, he khawmpui-ah hian sorkar mi pawimawh leh khawvel huap pawl hrang hrangten hmun kilkhawr zawka sumdawnna leh sum peipun chungchang-te an sawiho dawn a, Manipur, Arunachal Pradesh, Assam leh Nagaland CM-te leh Asian Development Bank leh Japan International Cooperation Agency hotute leh, Japan, Bangladesh, Switzerland, UAE, Myanmar, Thailand, Singapore leh ASEAN ram dangte a\angin, sumdawng lian \hahnem tak an tel dawn a, hmarchhak bial state hrang hrang, sumdawnna hmanga an dinhmun chawisan dante an sawiho beisei a ni.