Korean Central News Agency chuan Academy of Defence Science te ralthuam enchhinna hi ram hruaitu Kim Jong Un-a’n a endik thu an sawi a, an ralthuam enchhin hi eng ang chi tak nge sawilan ni lo mahse he hmalakna hi President Donald Trump nena nuclear ralthuam tih tawp chungchang an sawi dunna Kim-a’n a pawisak loh zia a lantirna angah a sawi theih a, Kim chuan he ralthuam hian ram sipai te ral beihnaah a pui nasa dawn hle tih a sawi.
Georgetown University-a North Korea lam mi thiam bik Victor Cha chuan he ralthuam hi missile a nih loh thu a sawi a, Hanoi-a Trump-a nena inremna an siam theih loh hnuah North Korea hian kum tawp thleng rawtna dang siam tura hun a pek thu a sawi a, hun tiam thlen hma chuan an hnathawh ngai an thawh chhunzawm mai a ni tih a sawi. Heritage Foundation-a Bruce Klinger pawhin US-in missile kah chhuah a hmuh loh thu leh Pyongyang hian buaina an siam duh vang emaw inremna an siam duh tawh loh vang emawa he thil hi kalpui-ah ngai lo turin ram hruaitute a hrilh a ni.
