Presbyterian Kohhran hnuaia veng hrang hrang leh khaw hrang hranga kohhrante chuan kum thar ni, January ni 1 kha Pathianni anga hmangin lawmthu sawina inkhawm an nei a, nimin, Thawhlehni khan kum thar lawmna ruai an \heh. Aizawlah chuan nimin t<k, khawvar hma khan ruah a sur a, khawvar hnu, dar 6:30 vela ruai buatsaih \an hunah pawh ruah a la tlak zui avangin ruai buatsaih tura hnatlang an chhuak tlai a, khua duai deuh mah se, ruah a sur zui loh avangin hlim takin kum thar lawmna ruai an \heh thei a ni. Kohhran tam tak chuan kum thar ni, January ni 1 khan kum thar lawmna ruai an \heh nghal a, lawmthu sawina Pathian biak inkhawm pawh an nei bawk a, chawhma lam leh zan lamah Pathian fakin an zai khawm bawk a ni.
Lunglei khawpuiah chuan kohhran tam zawkin kum thar ni kha chhang ruai nen hmangin, nimin, kum thar tuk khan kum thar lawmna ruai an \heh a, Champhai leh a chhehvelah chuan kohhran tam zawkin kum thar ni khan kum thar lawmna ruai an \heh a ni. Mamit khawpui leh a chhehvelah pawh kum thar ni khan kohhran tam zawkin a lawmna ruai an \heh a, nimin khan Presbyterian kohhran \henkhat, UPC, Salvation leh IKK-ten ruai an \heh nawn leh a, Baptist kohhran erawh chuan kum thar ni kha Pathianni anga serhin Pathian hnena lawmthu sawi nan an hmang a, nimin khan ruai an \heh a ni.
