He mi chungchanga vawiina thuchhuah an siamah Mizoram University-a thawk te hian inthlanna a chuh tura Nomination an file dawn chuan Mizoram University Act, 2000 leh Clause 19 bracket 3 of Ordinance OE-6 angin University Executive Council in phalna a pek a ngai a. tuna University hnuaia thawk Candidate ni tura nomination file Associate Professor Dr R Lalthangliana, Associate Professor Pu.Lalchamliana, Associate Professor Pu L Thangmawia, Assistant Professor Dr Vanlaltanpuia, Professor Dr F Lalnunmawia MZU ami leh Assistant Professor Dr Vanlalthlana te hian phalna an nei la lovin Nomination an file niin a sawia, hemi chungchanga vawiina thuchhuah an siamah Prism chuan an Party thupuangtu, Pu SL Ngursailova Sailo chuan RTI hmangin finfiahna a la chhuak niin a sawi a ni. PRISM Party chuan he thil hi a ngai thutuak hle a, a remchan dan angin bawhzui zel a tum dawn niin a sawi a ni.
PRISM Party chuan Candidate thubuai nei te thubuai chanchinbua leh TV news a tun thlenga puanzar a la nilo chu pawi a tih thu sawiin Supreme Court thutlukna siam chu zah leh zawm a \ul niin a sawia, Court thupek hi zawm ngei turin thubuai nei Candidate te chu a ngen a, Court thupek hi zawm anih loh chuan PRISM chuan a umzui dawn niin a sawi bawk.
