He thu hi vawiin a Aizawl West III MNF Political Training Bungkawna neih a hmanpuinaah a sawi a, ZPM chuan hmanni lawka zu zawrh duh lovin nasa takin thawm an chhuah a, hmanni lawka an duh lohte Lok Sabha inthlan tura an thawhpui leh si avangin zu zawrh an duh leh ta em ni tih chu mipui te zawhna a ni a ti a, thawhho an tum chhan pawh Politics-a lal duhna vang mai nia sawiin Politician ngaihdan mumal pawh nei lo, thil awmdan a zir zela thutlukna siam mai \hinah a puh a ni. Pu R Lalzirliana chuan an party President Pu Zoramthanga chu thutiama dingnghet a ni a ti a, inthlan dawna an au hla zu zawrh tihtawp pawh Assembly thukhawm hmasa berah a tihtawpna dan pass nghal a ni a ti a, Saitual, Khawzawl leh Hnahthial District tihpuitlinna tur pawh Budget hmasa berah a intiam ang ngeiin a dah nghal a ni a ti.
He inkhawmah hian an pawl General Hqrs. Treasurer Pu Vanlalzawma leh Lengteng bialtu MLA Pu L Thangmawia, te pawhin thu an sawi a ni.
