ZONET zawhna chhangin Pu R Lalzirliana chuan khaw 22 vela In te chu wiring tih fel thawhkhat a ni tawh tih a sawi a, hetihlai hian mi\henkhatin an hrui thlunna tura thir ban an phun te leh hmanraw \henkhat an ruk avanga a thar phun \hat leh ngai te a awm avangin duh ang hunah eng hi an pek theih loh phah tih a sawi a, kumin chhung chuan In tinah eng pek kim hman an in beisei tih a sawi a ni.
Saubhagya hi cheng vbc. 16,320 senna tur project, kum 2017 September ni 25-a Prime Minister-in a tlangzarh a ni a, nikum January thla khan khtihlaia Chief Minister Pu Lal Thanhawla’n Mizoram a kalpui turin a lo hawng tawh bawk. He scheme hian Thingtlang mi nuai 400 a tuam dawn a, He scheme hian chenna in bakah, thlám te pawh a huam theihna tura hmalak a ni a; sum senso tur chu sorkar laipuiin zaa 85 tumin, zaa 10 chu loan angin pek a ni ang a, a dang zaa 5 chu state sorkarin a tum ve tur a ni.
