Vawiin Assembly rorel inkhawmah MNF member, Dr. K. Pachhunga zawhna leh zawhbelhna dangte a channaah Pu R. Lalzirliana chuan, khaw \henkhat chu tun hmaa eng lo pek tawh, thli, ruah leh leimin vanga chhe leh ta te a awm a, hei hi siam\ha tur chuan a hautak \hin avangin chak taka hmalak theih a ni lova, khaw tina eng pe tura sorkar laipuiin a nawr ve reng avangin kumin chhung chuan eng hi khaw tina pek hman tum a ni a ti. Pu R. Lalzirliana chuan, Lunglei leh Mizoram chhim lam châwmtu line dang, 132Kv alternate line siam mek chu a zawh hun tur \um thum pawhsei a ni tawh a, a tira tender an chhuah laia tel lo thil tihfel ngai tam tak a awm a, mimal rama ban phun ngai leh zangnadawmna pek ngai engemawzat a awm avangin hun bitukah zawh a har a ni, a ti a, tunlai hian ban phun mek a nih bakah Ground Clearance ti tura hmalak mek a ni, a ti a, a zawh hun tur a la sawi theih loh a ni a ti.
Congress member, Pu Lalrindika Ralte zawhna leh zawhbelhna dangte chhangin P&E Minister hian, kumin January \anga March thla chhungin kawlphetha lei nan Rs. nuai 8,273.74 hman a ni tawh tih House a hrilh a, hemi hun chhung vek hian electric bill a\angin Rs. nuai 7,601.73 hmuh a ni a, kawlphetha leina aia electric bill a\anga sum hmuh a tlêmna chu cheng nuai 672.01 a ni a ti.
