Vawiin khan a pisaah P&E department hotute nen mipui khuahkhirhna kalpui chhunga kawlphethaa harsatna Mizoramin a tawh lohna tura hmalak dan tur an sawi ho a, mipui te pawn chhuah khap a nih avangin electric bill pekna counter te pawh khar vek a ni thu leh internet kal tlang erawh chuan pek theih a nih thu sawilan a ni a, hetihlai hian energy meter reading la turin thawktute tirhchhuah an nih loh avangin bill tum danga tihchhuah thin dan anga kalpui theih a ni lova, hei avang hian late fee chawi \hin chu ngaihhnathiam a ni dawn a ni. Hhri leng a reh hunah a hlawma bill pek a ngaih dawn avangin bill an dawn hunah hrethiam turin mipuite an ngen a ni. Sub-station, Complaint duty-na, Control Room leh WT station zawng zawngah duty dah vek an nih thu sawilan a ni a, PHE in chatlak lova tui an pump theih nan \ha taka power pek an nih thu pawh sawilan a ni bawk.
P&E Minister Pu R. Lalzirliana chuan, kawlphetha mipui ten chatlak lova an hmuh theih nan a hmalatu an nih avangin mipui khuahkhirhna karah P&E-a thawktute chu a \ul dan ang zelin pisa kaitir an nih thu a sawi a, mipui ten harsatna an tawh loh nan theitawp an chhuah tih a sawi.
