P&E Department-in an hmalak dan thlirletna leh hmachhawp an neihte sawi hona, New Capital Complex-a ATI Auditorium-a neih a hmanpuinaah Pu R. Lalzirliana chuan, thawh hona \ha a awm chuan hnathawh a sawt \hin tih sawiin, hnathawktute chu inpawh tak leh boruak nuam tak kar a thawh ho zel tum turin a chah a. An Department-a a thawktute hi pisa kai hun pel a hna an thawh nasat zia mipuiin an hai lova, line chhiat chang pawha an thawrimna zara veng tam takin eng an chhi leh zung zung thei \hin chuan thawktute inpekna a ti chiang a ni, a ti.
P&E hmalak dan thlirletna inkhawm hi Engineer-in-Chief, Pu C. Lianlunga’n a kaihruai a, P&E Secretary, Pu B Lalhmingthanga pawhin a hmanpui a ni. Ni 2 chhung awh Review meeting ah hian sorkar kum kal meka project lian hrang hrang hnathawh chin leh hmachhawp te, mumal leh \ha zawka mi tinin power supply an dawn theih nana tih tul pawimawh hmasa awmte an zir ho a ni.
