A hmanpuitu P&E Secretary, Pu H. Lalengmawia chuan, tun dinhmunah Mizoram mamawh khawp kawlphetha thar chhuah a la ni lo nia sawiin, hemi tihhlawhtling tur hian Department chuan theihtawp a chhuah mek niin a sawi a. Hmun hrang hranga Hydel Project kalpui a nih bakah ni zung chakna hmanga kawlphetha siamchhuak turin Mizoram Solar Policy duan a ni a, hemi hnuaiah hian kum 2021 hmaa kawlphetha megawatt 80 siamchhuak tura \anlak mek a nih thu a sawi. Pu H. Lalengmawia chuan, kawlphetha megawatt 24 pechhuak thei tur Tuivai khuahna atan tun hnai mai khan BRICS Bank sum puk tura phalna Mizoram Sorkar-in a hmuh thu sawiin, hei hi dik leh felfai taka tihpuitlin a nih theih nan \anlak a ngai hle a ni, a ti a. Tun hmaa lama hmasawnna hnathawh \henkhat zangnadawmna vanga a nih tur ang ni pha ta lo awm \hin angte a nih ve loh a beisei tih a sawi.
He inkhawmah hian Chief Electrical Inspector, Pu H. Zonunsanga’n an pawl hmalak dan hrang hrang a tarlang a, Project Coordinator, Pu Vansangliana’n kawlphetha remchem dan tur a lem nen a zirtir a ni, He zir honaah hian Mizoram hmun hrang hranga Sorkar enkawl sikul 100-a Headmaster leh zirtirtute aiawhte an tel a. State Designated Agency for Energy Conservation hian heng sikul hrang hrang hnenah hian Ceiling Fan leh kawlphetha heh lo chi eng a s>m nghal a ni.
