Peru tlawha zin Pope Francis chuan Amazon-a cheng te chu sumdawng liante laka an inven a tul thu a hrilh.
Puerto Maldonado khuaah he thu hi sawiin, Tribal hruaitute chuan, an ram an hloh zel avanga anmahni tanpui turin an lo ngen a ni. Pope hian Chile atangin Peru hi a thleng a. Amazon biala cheng mipuite chu nawr chhuah hlauhthawnawm dinhmunah tun ang hian an la ding ngai lo a ni a ti a, sumdawng lianten tuialhthei leh gas duhin an nawr a, chutih rualin mihring chengte dinhmun ngaihtuah lova ramngaw humhim duhtute chetna chuan harsatna a thlen thei bawk a ni a ti. Peru rama chengte aiawha thusawitu, Yesica Patiachi chuan an remtihna leh anmahni rawn lova lutte avangin harsatna nasa tak an tawk tih Pope hi hrilhin, an tuihna tlan leh an luite tih bawlhhlawh anih hunah chuan an la thihpui dawn tih Pope hi a lo hrilh a ni.
