Poland rama court sang ber, Supreme Court hotulu in Judge Senior te chawlh hun tur bitukna dan thar dodalin court a kal lui a, amah thlawptu mi za telin court ah hian an zui a ni.
Chief Justice Malgorzata Gersdorf, kum 65 mi hi nizan khan chawl tura hriattir a ni a, a aiawhtu tur puan nghal a ni bawk. Chief Justice hian Judge te chawlh hun tur kum 70 a\anga kum 65-a pawh tawi chu diklo taka innekbehna a ni a ti a, he dan hnuaiah hian supreme court judge zaa 40 vel zet an chhuah a ngai dawn a ni. Thawh\anni khan European Union chuan Poland sorkar thil tih dan hi sawiselin, dan rorelna in zalenna a neih nekchepna a ni a ti a, sorkar erawh chuan he dan thar hian eirukna do kawngah leh court rorelna tih changtlunna kawngah hmasawnna a thlen dawn a ni a ti thung.
Poland ram khawpui hrang hrangah sorkar hmalakna hi mipuiten an dodal a, Chief Justice Gersdorf in court a thlen hian mipui tam takin an lo hmuak a, heng zingah hian supreme court-a a thawhpui te pawh an tel a, thu sawiin, dan rorelna chu vawnhim ngei a tum tih a sawi.
