Poland President Andrzed Duda nen chanchinbumite an kawmnaah US President Donald Trump-a’n US sipai sangkhat Poland ah tirh luh an ni dawn tih a puang.

Trump-a hian sipai tirh luh turte hi Germany-a awm mek US sipai 52,000 te a\anga pawh \hen tur a ni tih a sawi a, sipaite hian thlawhna leh sipai hmanraw pawimawh dangte pawh an chhawm lut ang tih a sawi. Duda hian President Trump-a chungah lawmthu sawiin, Poland ram dinhmun hrethiama ruahmanna a siamsak chu lawmawm a tih thu a sawi. Poland President hian Washington bakah Texas, Nevada leh California te pawh a tlawh leh dawn a ni. Ram pahnihte hian ram venhimna kawnga thawhdunna tur inremna an siam a, Poland hian US sipaite enkawlna tur mamawh zual a tum dawn a ni. Kum 2016 NATO inremna angin Poland ah hian sipai sang 5 rual chu an lut chhuak reng a ni.