Zonet thudawn danin, he kawngpui hi Hydel Project lian pahnih Serlui leh Tuirial HEP pawhna kawng niin, Kilometre 17.56 a thui a ni a. He kawng hi PMGSY sum cheng nuai 2421 hmanga Concrete Pavement-a siam tur a ni a. Contract Agreement-a a lan dan chuan Kolasib-a Pu CT Mawia hna a ni a, amaherawh chu midang pahnihin chan insemin kawng hi an siam mek a, kum 2018 December ni 12-a thawh \an niin, kum khat chhunga thawh zawh tur a nih avangin nikum Decembe ni 12 kha hna tawh zawh hun tura ngaih a ni a.
Nimina bialtu MLA-in hnathawh dan a enfiahnaah hian Permanent works \henkhat an siam tawh bak hmalakna hmuh tur a awm lo nia sawi a ni a, kum khat liam hnuah pawh hnathawh hmuh tur mumal a awm loh avangin Contractor-ten kumin chhunga hna an thawk zo lo a nih chuan he hna hi an thawk thei lova ngaih an nih tur thu MLA chuan a sawi a ni.
MLA \awiawmtu PWD Chief Engineer (Roads) Pu Lalrintluanga chuan, PMGSY sum hmanga kawng siam hun kum 2 tih chu kum 1-ah tih danglam a nih tawh thu a sawi a. Hei hi contractor ten an zo lo deuh niin a lang a, Bilkhawthlir leh Saiphai inkar kawng siamtute pawh an hnathawh tawh a\anga tehin kum 1 dang hun pek belh an ngai nia a lan avangin kumin chhunga hna an zawh hman ngei theih nan thla tin an hnathawh tur bituk an nih tur thu leh chumi anga an kal thei lo a nih chuan insawifiah tura tih an nih tur thu a sawi. He kawngpuiah hian Lei dawh tur pathum a awm a, hei hi Blue Hill Engineering-in an thawk thung a, an hmalakna chinah an thawk \ha thawkhat nia an hriat thu leh Lei pakhat erawh chu a design siam\hat angaih tur thu Serlui bialtu MLA leh amah \awimawmtu PWD hotute chuan an sawi.
