PM, Pu Narendra Modi-a’n naktuk zinga lehlanga Mizoram a rawn tlawh huna lo dawngsawng tura ruahmanna engkim siam fel a ni tawh. Puan tawh angin, PM hian naktuk zing dar 9:30-ah Lammuala vantlang inkhawmah Tuirial Hydel Project, kawlphetha megawatt 60 pe chhuak thei tur a hawn bakah thil siamna lama hnathawk \ha, mi pathum hnenah DoNER hnuaia North East Venture Capital Fund a\angin \anpuina a pe dawn a ni. Lammuala inkhawm programme-a tarlan danin he inkhawm hi zing dar 9:30-a \an a ni veleh Union Power Minister, Pu RK Singh-a’n inlawmna thu a sawi ang a, hemi hnu hian CM, Pu Lal Thanhawla’n thu a sawi leh ang a, chumi hnuah PM-in Tuirial Hydel Project a hawn bakah mipuite hnena thuchah a sawi ang a, Minister of State for DoNER, Dr. Jitendra Singh-a’n lawmthu a sawi zawhah inkhawm hi tihtawp a ni ang. Lammual programme hi darkar khat chhung vela zawh fel hman tum a ni a, hemi hnu hian PM leh amah zuitu, Union Minister 2 chuan |huampui Helipad a\ang bawkin Aizawl an chhuahsan ang a, Shillong an pan dawn a ni. PM hian a programme hmasa aia chhuak hma hretin naktuk zing 8:45-ah Lengpui \umhmun a thleng ang a, Union Power Minister, Pu RK Singh leh Minister of State for DoNER, Dr. Jitender Singh-a’n an rawn \awiawm ang a, Lengpui \umhmunah hian Larsap, Lt. Gen. Nirbhay Sharma, CM, Pu Lal Thanhawla, UD&PA Minister, Pu Zodintluanga, Chief Secretary, Pu Lalmalsawma leh DGP-in an lo dawngsawng ang a, Larsap leh CM hian ama rualin helicopter-in |huampui Helipad an pan ang a, hemi hnu hian a thusawina tur, Lammual lam an pan nghal dawn a ni.
PM-in tluang taka a tih tur a tih theih nan Traffic SP, Pu C. Lalthanmawia chuan Aizawla PM a awm chhunga lirthei tlan dan tur a ruahman a, naktuk zing dar 6 a\anga chhun dar 12 thleng, |huampui Helipad leh Treasury Square inkar, Bawngkawn, Chaltlang, Chanmari, Zarkawt, Dawrpui leh Zodin Square kawngpui sirah lirthei eng chi mah dah phal a ni dawn lova, hemi bakah hian PM, kalna kawng tur |huampui-Bawngkawn-Chatlang-Chanmari-Zarkawt-Dawrpui kal tlang kawngpuiah zing dar 8 a\anga dar 11:30 thleng lirthei tlan dan tihdanglam a ni dawn a, lirthei hmangtute chu an tum lohna lama tlantir emaw, rei deuh dintir emaw a \ul pawhin hrethiam tura ngen an ni. Traffic SP chuan PM kalna tur kawngpui sira motor chhe dah a awm chuan seng hawi vek turin a neitute a hriattir bawk.
