He summit, ni thum chhung awh tur hin ram 5 hotu-lu te leh ram chhung leh pawn a\anga palai, company lian tak tak CEO te tiamin, nuai 30 bawr velin thlawh tura beisei a ni. PM chuan Sovereign Wealth Funds, Pension Funds leh Institutional Investors te a kawm ang. Nimin khan he summit peng pakhat Vibrant Gujarat Global Trade Show chu a lo hawng tawh bawk a ni.
PM chuan khum 1,500 awmna, Ahmedabad-a Sardar Vallbhai Patel Institute of Medical Sciences and Research chu a hawng a, mi rethei zawkte’n pawisa seng lova an inentir theihna tura din a ni a, sorkar damdawi in zinga helipad nei hmasa ber tur a ni bawk. Modi chuan Pradhan Mantri Ayushmaan Bharat hnuaiah ni 100 chhungin, mi nuai 7 zetom damdawia inenkawlna an dawn thu a sawi a, Medical College tam tak hawnbelh tum a ni tih pawh sawiin, Modi chuan Constitutional Ammendment hmanga general category-a mirethei zawkte seat zaa 10 hauhsakna chu tun kum a\angin college nuai 4 leh university 900-ah hman theih nghal a ni dawn tih a sawi a ni.
