Ram chhung hmun hrang hranga loneitute hnena Prime Minister Narendra Modia’n Inrinni-a thu a sawi chu Mizorama KVK hrang hrangah loneituten television kaltlangin an thlir a, KVK Aizawl, Central Agricultural University, Selesih ah pawh loneitu thlan chhuahte leh KVK hotuten an thlirho. Loneituten an mobile phone hmanga technology thar ber leh sorkar scheme te an hmuh zung zung theihna tur KVK FARMER PORTAL APP chu Prime Minister hian a tlangzarh nghal a ni. Krishi Unnati Mela, IARI, New Delhi a\anga tih chhuah PM thusawi Aizawl a\anga thlir honaah hian Assembly Dy Speaker Pu R Lalrinawma leh College of Veterinary Science & Animal Husbandry Dean Prof. Lalnuntluangi Hmar ten thu an sawi a, kuthnathawk mi 102 an kal khawm a ni. Krishi Unnati Mela, New Delhi-a neihah hian KVK Aizawl hnuaia loneitu Pu Zirsangliana, Sihphir chuan IARI Farmer Innovation Award a dawng a. Hetiang award hi India rama Farmer ten lawmman an dawn theih sang ber a ni. Award hian tangkafai Rs. 50,000/- (Cheng Sing nga) a keng tel a ni.
Khawzawl khaw chhunga loneitu thlan chhuahte vawiin khan KVK Khawzawl-in Purunsen chin leh enkawl dan an zirtir.
NEDP hnuaia Pu P.C. Lalhmangaih’n a huana purunsen a chinna hmunah loneitute hi zirtirna pek an ni a, KVK Khawzawl hian hlawhtling taka an lo chin chhin tawh, Purusen chi khat chu NEDP hnuaiah hian an chin tir a ni. Vawiin Training-ah hian Khawzawl khawpui chhunga loneitu mi 21 te hnenah KVK Scientist Pi Malsawmkimi’n zirtirna pe in loneitute hian hriat duh leh zawhna an neihte a hrilhfiah nghal zel a. Pi Malsawmkimi chuan NEDP hnuaia KVK Khawzawl in Purunsen an chintir hi National Horticulture Research & Development Foundation, Hubli a\anga an lak anih thu leh hei hi kum hmasa lamah te hlawhtling takin chin chhin a lo nih tawh thu a sawi.
