PM, Narendra Modi-a’n Hindu hun pawimawh, Diwali chu Jammu and Kashmir-a sipaite a hmanpui a, Line of Control hrula Gurez phairuamah, sipaite chu he k<t lawmna, ei turte a sem a, sipaite chu a chhungte nia sawiin, hetiang hun pawimawh hi mi tinin an chhungte nena hman ho an thlahlel a, ani pawhin sipaite hmanpui a duh avangin he hmun hi a tlawh niin a sawi. Sipaite zinga awm chu chakna leh phurna petu nia sawiin PM chuan, hun harsa leh khirh tak taka an chhelna leh an inp>kna chuan amah pawh ram rawngbawl turin a tichak \hin niin a sawi a, he hmuna sipaiten yoga an hmang nasa tih a hriat thu sawiin, an thahrui leh rilru tichaktu a nih a beisei thu a sawi. Pu Modi-a chuan sipaite chu an hna phur tak leh thatho taka thawk zel turin a fuih a, sipaite ham\hatna leh duhsakna kawngah sorkarin theihtawp a chhuah reng tih a sawi bawk. Tun hi PM-in Diwali, a zawna \um li, ramri-a sipaite a hmanpuina a ni ta a, Army Chief, General Bipin Rawat, Northern Command hotu, Lt General Devraj Anbu leh Chinar Corps Commander, Lt Gen J S Sandhu pawhin PM hi Gurez-ah hian an zui a ni.
——–
Uttar Pradesh sorkar chuan Diwali pual hian Ayodha-a Saryu lui kamah sathau khawnvar, bati 1,71,000 a chhi dawn a, an hlawhtlin chuan Guinness World Record-ah hmun khata bati chhi tam ber a ni ang. Nikum khan Dera Sacha Sauda pawlin Diwali-ah hian bati bati 1,51,000 an lo chhi tawh a, an hotu pa, tuna lung-ina khung mek, Gurmeet Ram Rahim Singh chuanWorld Record certificate a lo dawng tawh a ni. Saryu luikama Diwali lawmna-ah hian state Karsap, Ram Naik leh CM, Yogi Adityanath pawh an tel beisei a ni a, Hindu sakhaw lehkhabu-a Ramayana behchhana lem chang turin Indonesia leh Thailand a\angte-in lemchan thiam an chah lut nual bawk a ni.
———–
US President, Donald Trump-a fanu, Ivanka Trump chuan khawvel puma Diwali hmangtute chibai bukna leh duhsakna thu a thawn a, Hyderabad-a neih tur, Global Entrepreneurship Summit-a a tel hun tur pawh a nghahhlelh thu a sawi. President Trump-a pawhin nimin khan Diwali hi White House-ah a lawm a, India mite thlah, America mite hnathawh chu chhuanawm a tih thu sawiin, PM, Narendra Modi nen pawh inlaichinna \ha tak an neih thu a sawi a, Trump leh a fanu, Ivanka-i’n Diwali an lawmnaah hian India mite thlah, America mi ni ta, tuna UN-a US palai, Nikki Haley pawh a tel a ni.
