PM hlui thi ta, Atal Bihari Vajpayee-a hriatrengna cheng 100 pawisa thir vawiin khan PM Narendra Modi-a’n a tlangzarh.

Puan tawh angin pawisa thir hi gram 35-a rit a ni a, Vajapyee-a hmel leh a hming bakah a pian kum leh thih kum, 1924 leh 2018 pawh nemkai a ni a, pawisa thir lehlamah hian Ashoka Pillar lem nemkai a ni bawk. A tlangzarhna inkhawmah Modi chuan Vajpayee chu ram leh hnam hmangaih tak, ram mipuite zah leh ngaihsan em em a nih thu leh a thi thi chu pawm thiam harsa a la tih thu te a sawi a, inkhawmah hian BJP President Amit Shah leh Finance Minister Arun Jaitley leh LK Advani te pawh an tel ve a ni.