Puan tawh angin tang mi 7-te hi Tamil Nadu mi an ni a, heng mite thiam loh chantir an nih chungchang hi Tamil Nadu lamah chuan politics khelhna atan an hmang nasa hle a, AIADMK leh DMK-te pawhin an campaign auhla-ah an telh fo a, kum 2014 khan khatih hunlaia Tamil Nadu CM J Jayalalithaa chuan tang-te hi chhuah zalen a lo tum tawh a, khatih hunlaia Congress kaihhruai sorkar laipuiin nasa taka a dodal hnuah, Supreme Court chuan state sorkar-in hetiang thutlukna siam tura thuneihna a neih loh thu leh sorkar laipui kuta awm a nih zawk thu sawiin, Tamil Nadu sorkar thutlukna hi a sut leh a ni. He thubuaia a dam hun chhung lung-in tang tura Court-in a tih Nalini Sriharan-in chhuah zalen a dilna chu April thla khan Madras High Court-in a lo hnawl tawh a, Sriharan hi a tirah tihhlum tura a chungthu rel a lo ni tawh a, Sonia Gandhi-in a ngen sak vangin damchhung lung in tang tura tih a ni ta zawk a ni. Thiam loh chantir zing ami pakhat, Prarivalan pawhin thubuai hi ngaihtuah \hat leh a dilna pawh Supreme Court chuan March thla khan a lo hnawl tawh bawk a, an vai hian kum 27 an tang tawh a ni.
Sorkar laipui chuan lung-in tang mi 7 te chhuah a remtih loh thu hi April ni 18 khan Tamil Nadu sorkar a hriattir tawh tih Supreme Court hi a hrilh bawk a ni.
