Krismas chawlh hman hnua sorkar pisa hawn leh ni hnihna, vawiin khan nimin aiin pisa kai an \hahnem a, hmun hrang hrang tlawhtu, ZONET palaite sawi danin sorkar hnathawk engemawzatin pisa kai mah se, a dawrtu lam an la tlem a, pisa kai lo mi engemawzat an la awm avangin sorkar file te pawh a kal mumal thei lova, thil hmanhmawh zualte erawh chu an bawhzui a ni. Pisa kai zingah hian officer lian ho pawh an tel a, chawhnu lamah erawh chuan mi tam tak an haw hma a ni. Bank te erawh chuan dan pangngaiin hna an thawk a, hnathawktu pawh an kal tlem chuang lo a ni. Nimin aiin khawlaia mipui vakvel leh lirthei tlan pawh a tam a, chhun laiah khan Zodin Square velah nasa vak lovin traffic jam a awm a, dawr inhawng pawh a tam leh tawh a ni.
