Sangau III-a mi, Pi HC Lal\hamawii, kum 26 chu nizan dar 10:30 khan a hliam tuar lovin Siaha Nursing Home-ah a thi. Sangauva kan Corr. hnen a\anga thu dawn danin Sangau damdawi inah Doctor a awm loh avangin Lal\hamawii ruang hi vawiin khan Doctor-te endik atan Siaha-ah thawn a ni a, endik hnuah vui turin Sangau-ah thawn let leh a ni. HC Lal\hamawii leh a pasal, V. Nghakmawia hi Sangau III-ah an khawsa a, a pasal nen hian an intih thiam loh avangin tun thla ni 20 khan a pasal hian nasa takin a sawisa nia sawi a ni a, Lal\hamawii thih hnu hian a pasal hi Sangau Police Station-ah a inpe a, a nupui thih nachhan chu a chunga kut a thlak vang ni lovin, rannung seh vang leh an in a\anga a tlak vang niin a sawi a ni. Lal\hamawii taksaah hian kut thlakna hnu nia hriat hliam tam tak a awm a, a mitmu dinglam pawh a keh nia sawi a ni. He vanduaina thleng chungchangah hian Lal\hamawii chhungte chuan Sangau Police Station-ah FIR thehlutin a pasal. V. Nghakmawia kut thlak avanga thi nia an hriat thu an sawi a, hei hi Siaha Police Station Office in charge chuan a bawhzui mek a ni. Lal\hamawii hian fanu, kum 2 mi leh kum 3 mi a thihsan a ni.
