Aizawl District-a Phullen khuaah rannung seh natna, Scrub Typhus a leng nia sawi chu nimin khan doctor-ten an enfiah. Integrated Disease Surveillance Programme hnuaia Mizoram State Nodal Officer, Dr. Pachuau Lalmalsawma kaihhruaia Phullen khuaa damlote dinhmun enfiahtute hian November thla a\anga nimin thlenga Phullen khuaa rannung seh avanga damlo nia rin, mi 139 dinhmun enfiahna a\angin rannung seh avanga damlo mi 69 an awm tawh tih an finfiah a, damlo zinga pakhat chu Krismas hma khan a thi a, hei hi a enkawl dan tura enkawl loha rei tak a lo nat tawh vanga thi ta nia hriat a ni. Dr. Pachuau Lalmalsawma leh Phullen PHC-a Medical Officer, Dr. Zoliankimi Ngente chuan rannung seh natna hi thihna thlen thei ni mah se, hriat chhuah a nih hnua enkawl zui chuan awlsam taka dam mai thei a ni tih hre tur leh chi-ai mai lo turin mipuite an chah a, inti pachanga tawngpawng tuar ringawt lo turin damlote chu an hrilh bawk a, damlote tan damdawi pawh a thlawnin an sem nghal a ni. He natna vei nia inhriate dinhmun enfiahna hmanrua, test kit tam zawk pawh Medical team hian an keng nghal bawk a, hemi hmang hian inringhlelte dinhmun chu enfiah zui zel a ni. Scrub Typhus natna leh a enkawl dan, mipuite hrilhfiah nan nizan khan Phullen Community Hall-ah VCP, Pu B. Lalhriatpuia kaihhruaiin vantlang inkhawm neih a ni a, hetah hian Phullen Doctor Zoliankimi Ngente chuan rannung seh tia hriat, Scrub Typhus natna awm dan leh a awmtirtu bakah a nat dan leh a lan chhuah dante a sawifiah a, Dr. Pachuau Lalmalsawma-in a lem nena entirin Scrub Typhus natna thlentu rannung te tak te, tuhrik tia sawi \hin awm dan te, a pian chhuahna leh chenna hmun te, mihring taksaa natna a thlen dan te a lem nena entirin a sawifiah a, Dr. Lalrotluanga, Entomologist pawhin Scrub Typhus natna laka inven dante a lem nena entirin a sawifiah a, mipuite zawhnate pawh an chhang nghal a ni.Phu
