He tlangkang hi Taal tlangkang tia hriat a ni a, Phillipines khawpui Manila chhim lam, km 70 vela hlaah a awm a ni. Tlangkang hian vut a phuh chhuak hmasaa, chhiatna lian tham laka inralrin nan a bul hnaia cheng mi 8,000 velin an chenna an rauhsan a ni. Taal hi Phillipines-a tlangkang kang ngun ber pahnihna a ni.
Taal tlang hi dil pakhat lai tak thliarkara innghat a ni a, khawvela tlangkang te ber niin, kum 450 liam ta a\anga chhiarin \um 34 chirh sa a phuh chhuak tawh a ni.
Phivolcs director, Renato Solidum chuan chirh sa tak nasa taka phuh chhuak thei dinhmunah a awm reng tih sawiin, vut, lung leh boruak chhia darkar khata km 60-a chakin a khamphei zawngin a phuh chhuak thei niin a sawi. Thuneitute chuan volcanic tsunami thleng thei dinhmunah a ding a, hei hian tui nasa takin a tifawn thei a ni an ti bawk.
