Philippines President, Rodrigo Duterte chuan ruihhlo tawlh ru-a a fapa puh a nihna chu a dik phawt chuan, a fapa chu a tihhlumtir tur thu a sawi a, a remtih anga kah hlum a nih pawhin, a fapa kap hlumtu Police chu thubuai siamsak a nih loh tur thu a sawi bawk. President Duterte-a fapa, kum 42 mi, Paolo Duterte-a hi China ram a\anga ruihhlo, methamphetamine tawlh rutute zingah a tel nia eptu lam MP pakhatin a puh avangin a chungchang ngaihtuah mek a ni a, President Duterte-a hian nikum a\ang khan, a fate zingah ruihhlo buaipui leh tawlh ru an awm lo nia sawiin, an tel ve a nih chuan hremna na ber hmanga hrem an nih tur thu a lo sawi tawh a, dan an bawhchhia a nih chuan zuah an nih bik chhan tur a awm lo niin a sawi. Kum 72 mi, Duterte hian a fapa pawh hi hmaichhanah, a ngaihdan hi chiang takin a hrilh tawh niin a sawi bawk.
Chanchin Thar Philippines President-in a fapa an puhna a dik phawt chuan, a fapa...
