Dept of Health Epidemiology Bureau in a chhinchhiah danin sentut vei hmuhchhuah zat hi 1813 an tling tawh a, 26 in an thihpui a ni. Sentut vei hmuh chhuah zat hi nikum aiin zaa 74 zetin a tam tawh zawk a ni. Sentut hi awlsam taka inkai chhawn theih a ni a, nausen leh naupang te tan thihpui theih a ni.
Philippines-a WHO aiawh, Dr Gundo Weiler chuan hri danna pek kawngah sorkarin \an la mahse pek tum zat zaa 95 chu an phak lo hle tih a sawi a, hri danna la zat hi a tlahniam hret hret a. kum 2016 ah khan naupang zaa 75 pelk an ni a, 2017 ah chuan zaa 60 ah a tla thla a, 2018 ah phei chuan a aiin a la tlahniam leh tih a sawi. Philippines ah hian nu leh pa tam takin an fate hri danna pek an hreh a ni.
Kum 2017 khan sentut vangin khawvel pumah mi 109,000 a thi a, kum 10 chhunga sentut vei an tam ber \um a ni.
Kum engemawzat chhung American Red Cross, United Nations Foundation, World Health Organization, US Centre for Disease control and Prevention leh UNICEF te \angrualin measles, rubella leh CRS natnate nuai bo tumin hri danna vaccine sem chhuakin an lo bei tawh a, tun hnai hian an nu leh pate’n naupang hri danna an pek \hat loh avangin he natna awm tawh lohna hmunah te pawh a hluar chho leh mek a ni.
United Nations Foundation-a President leh CEO nilai Kathy Calvin leh American Red Cross-a President leh CEO nilai Gail McGovern te chuan hma lak vat a nih loh chuan he natna thihpui an pung zel dawn a, a tuartu tam zawk hi naupang a ni dawn tih an sawi a, he natna laka invenna hmanrua a awm reng laiin hetiang thihna a thleng hi pawi an tih thu an sawi.
Health Minister-te chu mipui te’n invenna vaccine an lak leh lak loh enthlithlai turin an ngen bakah, nu leh pate’n an fate vaccine hi pe turin an ngen a ni. Vaccine lak loh hian pawi a khawih thui thei hle a, naupangah dam chhung rualbanlohna emaw thihna hial emaw a thlen thei a ni. Heng vaccine la lo te hi ram hnufual mai ni loin ram changkang zawkah te pawh an la tam hle a ni.
