Philippine Sea-a US sipai bo zawng mek

Philippine Sea tuipuia US lawng sipai thlawhna chesuala chuang, sipai 8 chu chhanchhuah an ni tawh a, sipai dang 3 chin hriat lohin an la awm. US lawng sipai hotute chuan thlawhna chetsual dan leh a chhan an chhui mek tih an sawi a, sipai chhanchhuahte hi an ngaihtuahawm lo tih leh, bo an zawn mekte hi an chin hriat a nih loh thu pawh an chhungte an hriattir tawh tih an sawi. Puan tawh angin he thlawhna hi Okinawa a\angin sipai leh bungraw eng emaw phura USS Ronald Reagan indo lawng lian a pan laiin nimin khan tui-ah a tla a, chhanchhuah hna thawh nghal a ni a, Japan lawng sipaite puihnain km 590 bial an zawng tawh a ni.