Court chuan heng police officer pathumte hi kum 40 \heuh tang turin a hrem a, kum 2017 khan kum 17 mi rawlthar pakhat, Kia Delos Santos chu ruihhloa inhnamhnawiha puhin heng police officer te hian an kaphlum a ni.
Philippine president Rodrgo Duterte hian kum 2016 khan ruihhlo hluar lutuk tih rem tumin beihpui a thlak a, he beihpui thlakna kaihhnawihah hian ruihhlo zuartu mi sang 5 chuang tih hlum an ni tawh tih Police te chuan an sawi a, President hian ruihhlo dona kawnga an chetnaah police ten thil tihsual palh an neih pawhin ngaihdam a tiam nia sawiin, human rights lama inhmang pawl hrang hrangte chuan nasa takin an sawisel a ni.
Tuna Police officer pathumte thiam loh chantirtu Judge Roldolfo Azucena chuan kahhlum phawt hnua finfiahna dap chhunzawm tih kalphung chu pawm theih a ni lo a ti a, dan kengkawhtuten mi an pawng thah mai thiang lo a, mipuite himna tur changchawia mihring nun pawng lak ngawt chu ngaihdam theih a ni lo a ti.
