Lirnghing vang hian lei a min nasa hle bawk a, shopping mall pakhatah kangmei a chhuah phah bawk a ni.
Lirnghing hian North Cotabato leh a chhehvel sawiin, Davao Oriental Province-ah magnitude 5.3-a na in a nghing nawn leh bawk a ni.
Lirnghing vang hian shopping mall, chenna in leh damdawi ina awm te chu khawlaiah an sahimna zawngin an tlanchhuak a, Davoa del Sur-a Magsaysay khuaah chuan in a sawi chhe nual a, naupang kum 2 mi chu a muhil lai in chimin a delh vangin a thi a ni.
Lir a nghin zawh hnu hian General Santos-a shopping mall-ah kangmei a chhuak a, vanneihthlak takin dawr nghaktute leh anmahni dawrtute chu him damin an tlan chhuak thei a ni.
Philippines hi khawvela khuarel chhiatna tawk nasa ber pawl ram a ni a, thlipui, lirnghing leh tlangkang te vangin a ramin a chhiat phah nasa hle a ni. 1990 kum khan magnitude 7.7 lir a nghin vangin mi 2,000 velin nunna an lo chan tawh a ni.
