Vawiin chawhma khan PHE E-in-C pisaah PHE Department leh Central YMA-in tui hna humhalh leh a awm sa tihpun kawnga thawh dunna tur thu an thlung a, PHE Department aiawhin Engineer-in-Chief, Pu Lalmuanzova’n hming a ziak a, Central YMA aiawhin President, Pu Lalbiakzuala’n a hming a ziak bawk. Pu Lalmuanzova chuan PHE Department leh Central YMA-in kum 2012-a tuihna humhalh leh a awmsa tihpun kawnga kum 4 chhung atana thawh dunna thuthlung an ziah chu a tawp hnuah, kum li dang 2017 atanga 2021 chhung atan an ziak leh ta niin a sawi a, an thawh dunna hian Zoram hmun hrang hrangah rah duhawm tak a chhuah mek niin a sawi bawk. Central YMA President Pu Lalbiakzuala pawhin hmun \henkhatah chuan YMA, VC te leh sorkar department dangte nena thawkho-in, tuihnar awmna ram, mimal kuta awm tawhte pawh neih let sak lehin tui hna a awm leh theih nan enkawl mek niin a sawi. PHE Department leh Central YMA hian Swachh Bharat Mission Gramin bawhzuina pakhat atan kumin June ni 2 khan Faina kawngah thawh dunna thuthlung an lo ziak tawh bawk a ni.
