Kumin January 10, 2020-a he lei dinhmun an enfiah hnu-a an thil phut hrang hrangte Sorkar-in a bawhzui chu lawmawm an tih thu, Group pahnih hruaitute chuan sawiin, lei helna siam hnatlang koh an tum pawh an kaltlangpui rih tak loh thu an sawi a, hetih lai hian tun aia tha zawka lei siam tura theihtawp chhuah zel turin Sorkar an ngen tih an sawi.
Group pahnihte hian thuchhuah intawm siamin, Phairuangkai leia bungraw inhlanchhawn avanga an thil zawrh man ti to lo turin dawrkai leh sumdawngte an ngen tih an tarlang a, hei bakah PWD Highway Division-in, ton 12 aia rit tan he lei zawh khapna thupek a chhuah chu zawm turin lirthei neitu leh khalhtute an ngen tih an sawi bawk.
