Pervez Musharraf-a’n nakkum inthlanpuiah Hafiz saeed nen thawh dun a duh

Pakistan President hlui, Pervez Musharraf-a’n nakkuma Pakistan inthlanpui lo awm turah Mumbai-a pawi khawihna thlentu, Hafiz Saeed nena thawh dun a duh thu a sawi a, a hmain mi firfiak pawl pahnih – Lashkar-e-Taiba leh Jamaat-ud-Dawah pawh a thlawp thu a lo sawi tawh a, Hafiz Saeed-a nena thawh dun chungchangah hian Musharraf-a chuan, tun thleng hi chuan an la inbiak loh thu leh, thawhpui erawh chu a inpeih thu, Aaj News channel a hrilh a, thla hmasa khan Musharraf-a hian nakkum inthlanpuia thawh hona pawl a din thu leh, hemi atan hian political party 10 chuang an inbia nia sawiin, hengte zingah hian Sunni Tehreek, Majlis-i-Wahdatul Muslimeen, Pakistan Awami Tehreek leh Musharraf-a din, All Pakistan Muslim League te pawh an tel niin a sawi. Mahse hemi hnu hian pawl engemawzat chuan he thawhhona, Awami Ittehad alliance an tihah hian an tel loh thu an puang leh a, pawl lian pahnih – Pakistan Awami Tehrik leh Majlis Wahdat-e-Muslimeen pawhin Musharraf-a kaihhruai \angrual pawlah hian an tel loh thu an puang a ni. Hafiz Saeed-a hi mi firfiak ni mah se, Pakistan rama sakhaw pawl \henkhatah chuan mi challang leh thiltithei tak a ni a, Inrinni khan nakkum inthlanpui hi chuh a tum thu a puang a, khawi bial nge chuh a tum, tih erawh chu a sawi lo a ni. Hafiz Saeed-a pawl, Jamaat-ud-Dawah hian August thla khan Milli Muslim League an din thu an puang a, mahse hei hi Pakistan Election Commission-in a la pawm lo a ni. Puan tawh angin, Saeed-a hi kum 2008-a Mumbai-a pawi khawihna, mi 166-in an thih phaha bul tumtu-a ngaih a nih avangin India leh United States-in mi firfiaka an puan, man an duh a ni a, a lu man hi US dollar mtd. 10 a ni a, hei hi cheng vbc. 66 hu a ni.